أخصائي أطفال : الرضاعة والـ ” دايت ” نقيضان لا يجتمعان معًا
كتبت : رحاب الخولي
كثير من السيدات في وقتنا الحالي يلجأنا لعمل الدايت ” الريجيم ” لنقص وزنهم ولعلاج السمنة المفرطة التي يعانون منها، دون اللجوء لطبيب تغذية متخصص في علاج السمنة، وأحيانا يلجأ الأمهات المرضعات لعمل الدايت دون مراعاة أن ما يحدث ماهو إلا إضرار بصحة الطفل الرضيع، نظرا أن لبن الأم يحتوي علي نسبة من الدهون وعند القيام بالدايت ” ينشف ” اللبن، ويصبح ثديها خالي من اللبن تماما، ولذلك حذر الدكتور ” أحمد خشبة ” اخصائي الأطفال والولادة، من عمل الدايت والذي أوضح..
1- الدايت بيتعمل على أساس حساب كمية الكالوريز اليومية اللي جسمك بيحتاجها .. فيه قياسات تانية بس الكالوريز هي اشهر حاجه منها . مبدئيا كده الرضاعة الطبيعي لوحدها بتخسس جسمك يوميا من 200 ل 500 سعر حراري على حسب كمية الرضاعة . و ده ضروري الدكتور و هو بيحط الدايت يعمل حسابهم عشان كده مينفعش الكالوريز اليومي عندك يبقى اقل من 1800 .. اقل كمية مقبولة هي 1800 كالوري يوميا و لو قليتي عن كده زي ما حصل للدايت اللي مشينا عليه جسمك هيعمل تلقائي قفل لكل الانشطة الثانوية اللي بيعملها و بتستهلك الطاقة ممه و منها الرضاعة الطبيعية
2- للبن الطبيعي بيتكون من نسبة دهون عالية عشان كده مينفعش ابدا الدايت يبقى خالي تماما من الدهون . الكمية اللي بينصح بيها عالميا في الدايت للرضاعة بتتراوح بين 20 % ل 25 % من كمية الكالوريز الكلية على مدار اليوم .. اقل من كده او حرمان الجسم نهائي منها هيتسبب في ضعف كمية اللبن او توقفه
3- الرضاعة بتنهك الجسم جدا و بتخلي الام دايما جعانة عشان اللبن ميقلش او يقف نتيجة الدايت لازم الدكتور يقسمهولك على 3 وجبات اساسية و بينهم وجبتين ع الاقل سناك
4- مينفعش ابدا تفقدي وزن اكتر من كيلو اسبوعيا .. الاسلم للرضاعة هو 750 جرام اسبوعيا . اكتر من كده هياثر على الرضاعة الطبيعية بالسلب
5- النزول في كمية الكالوريز اليومية ليكي مينفعش يبقى مفاجيء .. لازم تتحسب سعراتك الحرارية قبل الدايت و تمشي على فترة من اسبوع لاسبوعين في نزول تدريجي لكمية الكالوريز لحد ما توصلي ل 1800 كالوري يوميا . النزول المفاجيء عادة مصحوب بتاثير مباشر على الرضاعة الطبيعية .
6- المياه الكتيرة مهمة جدا لاي دايت و خصوصا في حالة الرضاعة الطبيعية بس الاعتماد عليها فقط بدون النقاط اللي فوق هياثر للاسف على اللبن جدا
7- الرضاعة بعد سن شهرين بتبقى مستقرة بس اي تاثير عليها عشان تتعافي منه هياخد وقت و مجهود و هتبقى مهمة صعبة .
