fbpx
أهم الأخباراخبار الصحة

إصابات متعددة لطبيب معهد ناصر بسبب اعتداء أهالى مريض (صور)

 

تتواصل الاعتداءات على الطاقم الطبى من قبل أهالى المرضى، فى غياب دور حقيقى لأمن المستشفيات، وكان أخرها حالة اعتداء جديدة شهدتها معهد ناصر ليلة أمس، على أطباء الطوارىء.

وسرد الدكتور السيد أيمن نائب الطوارئ فى معهد ناصر، قصة اعتداء عليه من قبل أهالى المريض، وقال: “دخل مريض أمس، وقام بالكشف عليه د. محمد إبراهيم “السينور”، وطلب أشعة عادية على البطن وسونار وتحليل شاملة، وبعد الاطلاع على الأشعة كانت جيدة، ثم طلب رسم قلب من التمريض، ثم قام ابن المريض بالسب على فرد التمريض لانشغاله مع مريض أخر”.

وأضاف أيمن “د. محمد ابراهيم بيقوله متزعقش للتمريض وواحد بس يستني مع المريض، وشتم دكتور محمد وضربه فى وشه رحنا نكلمه انا ود. محمد النبوي فجاءة لاقينا ولاد العيان التلاته الرجاله نزلوا فينا ضرب لدرجة ان ابراهيم اتسحل فى وسطهم وانا فوجئت بنته ومراته واحدة ماسكة الكرسي والتانية ماسكة حامل المحاليل ونزلوا ضرب فى واحد من التمريض اسمه محمد رشاد وانا سنتي اتكسرت ومحتاجة زرع سنة جديدة ب 12الف جنيه وعندي كسر فى صباعي السبابة، كل ده والامن بيتفرج علينا”.

وأكمل نائب الطوارئ “دخلنا الأوضه بتاعنا واتقفنا اننا هنمشي خرجت من باب الكورنيش اقابل باقي الناس لقيت العيال مستنين قدام الباب لولا ان الظابط مسكهم وجابهم على النقطة اتضح ان الامن اللي فى المكان سربهم واخد فلوس، جه نايب المدير يقولنا اشتغلوا ومعلش”.

وأكد “انا حاليا محجوز فى غرفة 736 جراحة مخ وأعصاب، وعندى كسر فى سنتي وكسر فى صباع يدي اليمين وارتجاح فى المخ، ونواب طواري معهد ناصر مش شغالين الا لما حقنا يرجع علشان منبقاش ملطشة، ومدير المعهد عاوزنا نشتغل ونمشي الحالات، انا مشتغلش دكتور علشان كرامتي تتهان، مش عاوز حاجة غير حقي، وده مش كتير”.

 

اظهر المزيد
زر الذهاب إلى الأعلى