الدكتور محمد القاضي يكتب: المصيبة أنه مصدق نفسه !؟
الجبلى قبل كده قال إن أبوه ” رحمة الله عليه ” مات من مرضه اللى رئيس وزراء مصر آنذاك رفض علاج والده الوزير السابق على نفقة الدولة فما كان منه أن يقتص من نفقة الدولة لعلاج زوجتة “الغنية” وهو مرافق لها على نفقة الدولة مع أنه يملك مستشفى خاص يقصدها الوزراء والفنانين والإعلاميين والخليجيين !!!
ووزيرنا الحالى بيقول أن أمه ” رحمها الله وأحسن مثواها ” توفيت وهى مصابة بفيروس ” سى ” فأنتقم من الفيروس وكرس جهوده التى لم يسبق لها مثيل لا من قبل ولا من بعد وقال “بفضل العامين الماضيين ” أى أنه منذ توليه الوزارة !!
عمركم شفتوا أعظم من كده إححاف ” فى دنيا وزارة الصحة اللى يركبها مرتزقة !!
بورسعيد البلد الباسلة ذو الشعب ” العظيم ” فى فكره ومنهجه ، البلد ” المحاصر ” بالماء بيقولك فيها عشرة مستشفيات !! أراهن لو قدر يسميهم ؟ وفيها أقل من نصف مليون نسمة يعنى اقل من أى منطقة عشوائية مثل منشأة ناصر ، وطبيعتهم تجارية ومعظمهم من ميسورى الحال ويكاد يكونوا شبة منغلقين إجتماعيا وبيئتهم لها خصائص نوعا ما مختلفة ومكتفين ذاتيا والأمراض عندهم غير منتشرة خاصة المعدية والوراثية ! ويقولك هنطبق عليها قانون التأمين الصحى الجديد !
يعنى تطبيق فنكوش لا يعتبر اختبارا حقيقيا للقانون !
معرفش ايه الملايين كالملاليم اللى قاعد بيلعب بيها وفيها جايبها من فين ؟! وبيلمع بيها نفسه !
لقد فاق ابولمعه الاصلى !
