أهم الأخبارالعيادة
الوصايا العشر لبدء تدريب طفلك على دخول الحمام بمفرده
محمد حمدي2017/04/14 9:05:10 مساءً
لا يوجد سن معين لبدء تدريب الطفل على الدخول للحمام لكن هناك عوامل تجعلنا نفكر أن الطفل مستعد لعملية التغيير الجذرية، فالموضوع صعب و طويل و يأخذ وقت ويحتاج صبر كبير جدا من الأمهات و كمان عقلانية في اتخاذ قرار الاستمرار في عملية التدريب.
* بصفة عامة طفلك لو يعرف يمشي بمفرده و يتكلم و يعبر عن نفسه بجمل من كلمتين على الأقل و يفهم أوامرك و يسمع لك تقدري تعتبريه مناسب لبدء عملية التدريب.
* القرار ببدء عملية التدريب يحتاج 3 كلمات مهمة : الصبر – التشجيع المستمر – الفشل أمر وارد وطبيعي.
* البداية دايما مهمة .. أول وأهم خطوة هي أن تضعي البوتي في الحمام أو في أكثر مكان يجلس الطفل فيه كثير ،شجعي طفلك يجرب يقعد عليه فى البداية بالحفاضة وبعدها من غيرها، شجعيه يتقبل البوتي و خليه يحاول يزينه ويرسم عليه و يلونه لو يحب، اجعليه دائما يتقبله على أنه لعبة مسلية ليس أمر منك.
* علمي طفلك الكلام البسيط اللي يفهمه عقله ويستطيع يقوله عند رغبته لدخول الحمام، حاولي دايما تستخدمي كلمة أو كلمتين أو حتى حركة بيده أو وجهه، شجعيه على اختيار تعبيراته معكي و شجعيه عليها.
* لو حسيتي أنه متشجع و مستمتع انتقلي للخطوة التانية وانك تجعليه يجلس على البوتي عشر دقايق من غير الحفاضة أكثر من مرة فى اليوم، اتركيه براحته ويستمتع بوجوده هناك، اقعدي مع طفلك طول ما هو قاعد على البوتي وشجعيه دائما حتى لو معملش حاجه وأوعي تنهريه أو تعنفيه لو لقيتيه بعد ما قام عمل حمام فى البامبرز، احنا لسه فى الاول اصبري.
* راقبي طفلك بحرص ولو حسيتي بأي ملامح أنه هيعمل حمام سيبي كل اللي فى ايدك و اجري بيه بشكل فكاهي ع البوتي و قعديه، اوعي تبيني انك متضايقة لو لقيتيه عمل قبل ما تروحي، شجعيه دايما وطمنيه عشان ميقلقش ويخاف، شجعيه دايما انه يبين ليكي العلامات دي سواء بحركات أو بأصوات أو بكلام عشان تقدري تخليه يعمل هناك المرة اللي جاية.
* المكافاة عامة بتبقى ليها دور عظيم مع طفلك، فيه اطفال بيتسجيبوا كويس قوي لنظام النجوم على السبورة، فيه اطفال تانيين بيستجيبوا لمكافاة اللعب أو الخروج والفسح، * شجعي طفلك كل ما ينجح في استخدام البوتيب بس متنسيش مش معنى أنه نجح مرة انه اتعلم خلاص لسه قدامك مرات كتيرة على ما تبقى واثقة كده.
* بعد أسابيع من مرات عمل الحمام بنجاح في البوتي تقدري تستغني عن الحفاضة وتستخدمي البناطيل أو الاندر وير الخاص لطفلك ..الموضوع يفضل يتم بشكل احتفالي ومعاه مكافأة من اللي طفلك بيحبها .. حسسيه انه عمل شيء عظيم لانه كده فعلا.
* طبعا تعلم الطفل لانه يعمل حمام ف البوتي مختلف عن أنه ميعملش و هو نايم ..دي قصة تانية بتاخد وقتها لوحدها بعد ما يتعلم البوتي بشهرين تلاتة ف المتوسط.
* متنسيش لو طفلك مش مستجيب متضغطيش ليه ووقفي التدريب وحاولي تاني بعدها بشهرين تلاتة.
بقلم د. أحمد خشبة
أخصائي الأطفال وحديثي الولادة
موضوعات ذات صلة
محمد حمدي2017/04/14 9:05:10 مساءً
