خمسة شروط للعقاب الفعال

1- العقاب وقت ظهور السلوك (وذلك لحدوث الربط الشرطى بين السلوك والعقاب  ).

2- تسميه العقاب (لابد من تسمية العقاب لطفل).

• مثلا انا لو استعملت اسلوب الابعاد المؤقت بعد انتهاء الوقت المحدد الام تقول للطفل انت عارف انا عاقبتك لية؟

عشان كذا………..

3- عدم العقاب علي الفعل مرتين (مينفعش ماما تعاقب  وبابا يعاقب وهكذا ).

طب لية ؟؟؟؟؟؟؟؟؟؟

لأن هنا العقاب بيفقد اهميته والتأثير الأكبر فى  الصورة  الذهنية للطفل عن نفسه

(انا لوحدى اللي بتعاقب ، محدش بيحبنى ، بيحبوا اخواتى اكتر).

اكثر الافكار دى بتكون فى ذهن الطفل وتظهر علي هيئة سلوك سلبى واعاقب  السلوك فالافكار تزيد فعاقب وهكذا….

4- الاهم عدم العقاب  بطريقة اكبر من حجم السلوك المشكل (هنا انا مخلتش ابنى يفرق بين السلوك اللى ممكن تتغاضي ماما عنه او انه غصب عنك زى كوب ماية وقع ، والسلوك اللى مينفعش يتكرر مثلا الملكية الخاصة واخذ شى بدون استئذان .

5- تضارب المعايير ودا معناه ان وقت العقاب لازم القائمين الام والاب  يتفقوا علي العقاب بمعنى ان وقت البابا مختلف مع الماما فيجعل الابن لا يلتزم بعقابها اوالعكس .

• هنا يحدث للطفل تضارب للمعاير مين فيكم الصح ومين اللى غلط ولان الانسان يميل للاكثر مرونة فبالطبع هيرسخ في نفسه السلوك السلبى وان دا الصح.

والمشكلة تحدث ايضا بشكل اوسع مع الجدة والام.

• بالنهاية

ضرورة الفصل بيبن السلوك والشخص انا بعاقب ابنى كى اعدل سلوكه وليس اترك اثر سلبى بشخصيته وتتحول لشخصية ضعيفة او عدوانية .

حبيبى انا بحبه ومش احب يعمل ال……..(السلوك الظاهر) كدا تانى عشان ……

– اسال نفسى لية ابنى بدء يظهر منه السلوك دا تفسير السلوك ، مهم فى الطريقة التى نتعامل بيها في التعديل .

فمثلا

طفل مشكلته تكسير اللعب بتاعته

فتفسير السبب يفيد في طريقه التوجيه

ممكن يكون الطفل عنده حب الاستطلاع هنا نتعمد ان تكون العابه فك وتركيب

او الطفل دائما يلاقى العقاب بالضرب فهنا ازاحه عدوان على أشياء اضعف منه.

نجلاء صبحى 

اخصائى العلاج النفسى بمركز ا.د محمود الوصيفى للطب النفسى و علاج الإدمان