أحمد زاهر: التمثيل أصعب مهنة ونعمل ساعات لا يتحملها الأطباء

قال الفنان أحمد زاهر، إن التمثيل أصعب مهنة فى التاريخ، وأن الممثلين يعملون لساعات طويلة، لا يستطيع الأطباء ولا المهندسين تحملها، اضافة إلى الضغط العصبى على الممثل.

نعمل لساعات طويلة لا يتحملها الأطباء ولا المهندسين

وأضاف أحمد زاهر في لقاء تلفزيوني: بندمر نفسيتنا بالتمثيل لأن المشاعر ممكن تموت الناس فممكن تموتي من الزعل وبتعيشي نفسك في مشاعر معينة 13 أو 14 مشهد فالجهاز العصبي عندنا بيدمر والناس فاكرة إننا بنهزر وبنشرب شاي ولكن إحنا أخطر شغلانة ممكن تدمر أي يني آدم لأننا بندمر مشاعرنا وأحاسسينا.

اقرأ أيضًا: «الطبيب الفنان» .. «دكاترة» دخلوا عالم النجومية عن طريق الفن

وأكد أحمد زاهر أنه كان لا يحب أن تعمل ابنتيه ليلى وملك في التمثيل قائلًا: طول عمري مش عاوزهم يدخلوا الوسط ولولا إصرار تامر حسني ماكنتش وافقت عشان المهنة صعبة، خاصة على الستات وصعبة نفسيا ومواعيدها وحشة، لأننا بنصور 26 ساعة متواصل مش تلات ساعات وبنصور في عز التلج وإحنا لابسين صيفي والعكس، أنا صورت 36 ساعة في مسلسل، هاتي لي دكتور أو مهندس او قاضي أو أي مهنىة يقدروا يشتغلوا على رجلهم الساعات أنا آسف ماحدش يقدر لأن شغلتنا أصعب مهنة في التاريخ.

من ناحية أخرى، كشف أحمد زاهر معايير اختيار أدواره، قائلًا: لو الشخصية هتعلم مع الجمهور هعملها حتى لو من غير فلوس، أساس أي حاجة موهبة وبعدها بتيجي الخبرة والدراسة ومذاكرة الشخصية، أنا قعدت مع دكاترة نفسيين وظباط ومحامين علشان آخد منهم تفاصيل أحطها على شخصيتي لو خدت الشخصية زي ما هي من السيناريو مش هعملها كويس، يوم عن يوم الواحد بيزداد خبرة وتفكيره بيكبر، حتى المواقف الإنسانية بتغير، ولو الإنسان نجح بيكون عليه مسؤولية أكبر.