الدكتور حسام الديب يعلن اتخاذ الإجراءات القانونية تجاه شخص زور روشتة خاصة به للحصول على خصومات للأدوية
أكد الدكتور حسام الديب، استشاري الروماتيزم، اعتزامه اتخاذ الإجراءات القانونية تجاه شخص قام بتزوير روشتة خاصة بعيادته الطبية.
وأرجع الديب الواقعة إلى رغبة المتهم في الحصول على خصومات من وراء الروشتة وبيع الأدوية بمبالغ كبيرة «الناس اللى بتسأل هو ليه عمل كده، شركات البيولوجى بتعمل عروض خصم على الأدوية.. لكن دى بتتعمل للمريض فقط بالروشتة مش للصيدليات و لا للتجار، وبالتالي الدوا اللى فى الروشتة الشركة بتعمل خصم النصف على سعره بالروشتة، ف بياخد الحقنة بنصف سعرها و يبيعها».
وأكمل في منشور له عبر موقع فيسبوك «الروشته دى روشته مزوره.. الخط مش خطى .. الختم مش ختمى.. رقم التليفون مش من ارقام العياده اصلا».
وأضاف: «لكن.. عشان المجرم دايما بيعمل غلطه تكشفه..اللى زور الروشته دى.. حط رقم تليفونه هو.. عشان لما حد يتصل.. يرد كأنه دكتور حسام الديب.. و يقول ان الروشته صحيحة.. و الرقم ده.. هو اللى يتجاب منه .. لأن ببحث بسيط ظهر اسمه و عنوانه ».
وأكد «سيتم إبلاغ الجهات الرسمية و إن شاء الله ح يشرف فى الحبس و (معروف) طبعا اللى ح يحصل هناك .. عشان يحرم.. مش سايبه هى».
كما نشر الديب صورة للروشتة الحقيقية والتي تتضمن كافة البيانات والمعلومات الخاصة به.
