شريف عامر يرد على هجوم «ميدو» على الأطباء

رد الإعلامي شريف عامر على هجوم أحمد حسام ميدو، لاعب منتخب مصر ونادي الزمالك السابق، على الأطباء والقطاع الطبي في مصر، بسبب ماذكره عن رفض بعض المستشفيات استقبال والد زوجته لعدم وجود أطباء كبار بسبب إجازة العيد.

شريف عامر يرد على هجوم ميدو على الأطباء

وكتب الإعلامي شريف عامر، على صفحته الشخصية بموقع التدويانات القصيرة “تويتر” ردًا على ميدو: “اولا، ربنا يشفي كل مرضاك، ومرضانا.. والدي في الرعاية المركزة من قبل العيد بيوم. دخل بدون وجودي مستشفى تابع للمجالس الطبية، المتخصصة من فجر العيد، ومازال.اعايش الاطباء منذ ٣ سنوات بشكل يومي.ربنا يشفي الناس كلها.. شبه متأكد ان اللي حصل معاك غلط لكن كمان استثناء”.

وأضاف عامر،:” الناس بتحارب حرفيا ظروفها الصعبة وظروف المرض والمرضى.. انا وصلت مستشفى العلمين قبل العيد كانت فاضية الا من الدكاترة. دلوقتي المستشفى مفيهاش مكان، والدكاترة ما بيناموش، وشاهد على حرب الظروف مع غيري قبلي.
ربنا يشفي حماك العزيز، ويشفي كل مريض..دعواتك”.

ميدو يهاجم الأطباء والقطاع الطبى ويصفهم بالفشل

وكان ميدو قال في فيديو عبر حسابه الشخصي علي موقع التواصل الاجتماعي للصور والفيديوهات انستجرام :” أول امبارح انا كنت في الساحل ، وجالي تليفون ان حمايا المصاب بالسرطان تعبان جدا ، وعانى مشاكل في القلب كما اصيب بجلطة في الرئة.

وأضاف:” حالته مش سهلة يعني، نزلنا مصر خدناه على مستشفيات، وتخيلوا مفيش مستشفى قبل يستقبل الحالة عشان الدكاترة في اجازة . وابدى اندهاشة قائلا :” تخيلوا ان الناس ممكن تموت عشان الاطباء في اجازة العيد، طب احنا وضعنا المادي كويس نقدر ندخله مستشفى خاص، الفقير بقى هيعمل ايه ؟!.

وتابع :” من حق الاطباء الحصول على اجازة بس لازم يكون في اطباء في الطوارئ لاستقبال الحالات، هو مفيش حد بيتعب في فترة الاجازة !.

وهاجم القطاع الطبى والأطباء، قائلًا: القطاع الطبى فى مصر مهزلة وبتكلم على مستشفيات كبيرة ..القطاع فى مصر بايظ وفاشل .. والدكاترة معظمهم معندهمش ضمير لما الدكاترة الكبار يقولو للدكاترة الصغيرين متكلمنيش عشان انا فى اجازة يبقى مايستحقش يلبس البالطو.. الناس بتوع القطاع الطبى لازم يتحسبو لان معظمهم معندهمش ضمير”

وتابع: الدكاترة الكبار كلهم فى الساحل ومدين تعليمات للدكاترة الصغيرين محدش يكلمهم”