أهم الأخبارالعيادة

كيف تختار «شنطة المدرسة» لا تسبب آلام ظهر للأطفال ؟

الحقيبة المدرسية أو شنطة المدرسة، من الأمور الأساسية للأطفال فى المدارس، ولكنها قد يكون لها تأثير سلبى على صحة الأطفال وتتسب شنطة المدرسة فى آلام ظهر للأطفال، وبالرغم من أن أغلب الأسر تختار “شنطة المدرسة” على أساس المتانة وألوانها وتكون عاجبة الطفل، ومرسوم عليها بطل كارتوني بيحبه، لكن يجب الحذر من آلام الظهر التى قد تسببه الحقيبة للأطفال، فما هى مواصفات الحقيبة المدرسية أو “شنطة المدرسة” لنتفادى آلام الظهر ؟

  • لا تزيد وزن الشنطة بالكتب عن 10 لــ 20 % من وزن الطفل الذى يحملها، لذلك مهم أن نشترى شنطة خفيفة (لسه الكتب).
  • الكتافات تكون متبطنة كويس وكمان قابلة لزيادة او نقص الطول.
  • طول الشنطة ما ينفعش تتجاوز كتف الطفل وما تنزلش عن خصره من الأسفل.
  • لازم الشنطة ماتكونش أعرض من كتف الطفل.
  • لازم نفهم أطفالنا أنهم يشيلوا الشنطة من الكتفات عشان الوزن يتوزع علي الجسم لكن لو كتافة واحدة الوزن بيتوزع علي جزء واحد وطبعا بيأثر علي العمود الفقري، والأفضل لو يقفل الحزام الواصل بين الكتفات عشان الوزن يتوزع علي الجسم مش العمود الفقري تحديداً.
  • الشنطة الجرار أكيد هتريح الطفل بس طبعا لازم نفهمه أزاي يطول الدراع بتاعها عشان ميبقاش ضهره محني وهو بيجرها، و أزاي لما يجي يطلع سلم المدرسة أو البيت يرفعها بشكل صحيح.
  • نهتم بالجدول بس فكرة أن الطفل ياخد كل الكتب كلها دي هتخلي وزن الشنطة دايماً تقيلة وبالتالي تأثير سلبي علي العمود الفقري.

د. كريم دربالة

أخصائي العلاج الطبيعى مستشفى المركز الطبي لسكك حديد مصر

ماجستير العلاج الطبيعي جامعة القاهرة

موضوعات ذات صلة »

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى