fbpx
أهم الأخباركوميكس

بشكل ساخر.. دكتور ينافس مجدي يعقوب ويطلب دعمه بـ«شحنة كارت العيلة»

تناول الدكتور أشرف طويلة، معاناته في قسم الطوارئ، وطبيعة عمله المتعبة من وجهة نظره، بشكل ساخر، قائلًا: «الطب في مصر مش مجدي يعقوب بس.. زي ما مجدي يعقوب بينقذ أرواح آلاف الأطفال، ومؤسسته بتعمل حاجات خياليه في إنقاذ مرضى القلب، الدكتور أشرف برضو بينقذ آلاف الحالات السايكك اللي بتدلع على جوزها قبل السحور بربع ساعة، واللي صاحبها بيسيبها فتعمل نفسها ميتة علشان يحكوله فيرجعلها، واللي عندها التهابات في المعدة وبتيجى تعلق محلول علشان تاخد بيه سيلفي، واللى فكر يزور أمه بعد ثلاث شهور لقى نفسها متضايق، فكر يجاملها جابهالنا تاخد البتاع اللى بيطلع دخان يفتح الصدر شوية».
وأضاف «طويلة» في تدوينة على صفحته على موقع التواصل الاجتماعي «فيسبوك»، الاثنين: «رغم أنها مش شغلتي ولا تخصصي، إلا أني صابر و بعالج بصدر رحب، و عمري ما فكرت اتهم مريض أو اطرده من المستشفى.. بس احنا شعب بيحب الزيطة وبنتبرع بملايين لمجدي يعقوب ونصرف مبالغ وهيمة علشان نصورله إعلانات، إنما دكتور أشرف يصور نفسه في مراية في حمام مكتب الدكاترة، ومحدش حتى يقوله جدع يا أشرف».
وتابع: «أدعم الدكتور أشرف وقوله جدع يا أشرف.. اتبرع بشحنة كارت العيله اللى ببلاش لرقم الدكتور أشرف، يكلم بيها حالاته السايكك يتطمن عليهم رجعوا لاصحابهم ولا اجوازهم صالحوهم ولا امهاتهم رضيت عنهم ولا لسة».
وتباينت التعليقات على المنشور، فالبعض أخذه بمحمل الجد وانتقده على الطريقة التي تهكم بها على الدكتور مجدي يعقوب، وأنه لا يوجد وجه للمقارنة بينهما، بينما أخذ البعض الآخر المنشور بحس كوميدي وفكاهي وقرروا دعم الدكتور بتعليقات مختلفة.

Capture

اظهر المزيد
زر الذهاب إلى الأعلى