تفاصيل اجتماع «الصحة» و«الأسنان» بشأن التكليف

كشف الدكتور عمر شوبير عضو مجلس نقابة أطباء الأسنان، تفاصيل اجتماع «الصحة» و«الأسنان» بشأن التكليف الذي عقد اليوم في وزارة الصحة بحضور عدد من أعضاء النقابة العامة وممثلي الدفعات وافراد من الدفعه المهتمين بموضوع التكليف  .

 اجتماع الصحة والأسنان بشأن التكليف

وقال عضو مجلس نقابة اطباء الاسنان ، إنه تم عقد إجتماع مع الدكتور حسام عبدالغفار مساعد اول وزير الصحة والذي كان متفهم للأمر وتم الحديث في العديد من الموضوعات على رأسها موضوع التكليف.

وتابع عضو مجلس نقابة أطباء الأسنان قائلا: ١- بالنسبه لموضوع التكليف ، الموضوع بقى أمر واقع و تم اتخاذ القرار فى سنه ٢٠٢٢ حيث كان فيه اجتماع مجلس الوزراء بوجود كل النقابات العامه الطبيه مع أعضاء مجلس الشعب و الشورى و طبعا معالى الوزير و قد كان فى يوم الاربعاء ٢٣/١١/٢٠٢٢ اجتماع مجلس الوزراء لرقم ٢١٨ حصل موافقه بالإجماع و جميع الناس ماضيه على المحضر ( و محدش يسألنى ازاى تم الموافقه 🤚🏻) انا كعضو نقابه منتخب سنه ٢٠٢٤ و كل زمايلى المنتخبين من سنه ٢٠٢٤ بنقول اهو ازاى متمش الإعتراض على القرار ده و حقيقى احنا آسفين فعلا !!!!.

وتابع : “ملحوظه د/حسام قالها فى الآخر ان بعض النقابات زى الأسنان و الصيدله ابدت موافقتها على مبدأ عدم التكليف بس كان الاعتراض منهم على امتى عدم التكليف 🤚🏻 و بناء على ذلك تم اتخاذ القرار و الإجراءات تصاعدى حتى الوصول لموافقه رئيس الجمهوريه و من كلامنا مع د/حسام ده مش قرار من شهر او اتنين ده من اكثر من سنتين فالموضوع ده مفيهوش نقاش و مأخدناش دقيقه فى الموضوع ده عشان خلاص قرار من ٢٠٢٢ و تم الموافقه عليه 😊😊

واستكمل في منشور له قائلاً:” ٢- موضوع التكليف حسب الإحتياج ، طبعا احنا اتفقنا مع الدكتور حسام و كان متفهم جدا ان احنا هنتوسع فى موضوع التكليف ( هيشمل خاص و حكومه ) و هنبدأ نعمل لجنه و هنتحرك فى الموضوع ده علطول ان شاء الله و هو داعم كبير لينا. طب ازاى هيتم الإختيار للناس فى التكليف حسب الإحتياج ؟! الدكتور قال انه هيبقى بالتقدير ، طب هل ده عدل ؟! لأ طبعا بس هى ديه الآليه حتى الآن ، و لكن الدكتور مرحب جدا بأى اقتراحات قابله للتنفيذ فى القبول حسب الحاجه:”

وقالت:” مثلا هيبقى موجود فرص العمل فى محافظات معينه ، اللى هيتقبل مش هينفع ينقل فى مكان آخر”.

وتابع :”اتكلمنا فى الحلول بحيث يبقى فيه تكليف ادارى ، الصراحه هو مرحب جدا و لكن مفيش حاجه من الوزاره بتيجى اشاره بتكليف ادارى ، لكن بيبقى من المديريات و الادارات نفسها و اتفقنا ان النقابات الفرعيه هتتواصل مع المديريات و الادارات بحيث يتم الحصر و هو مرحب جدا بالعكس شايف ان الطبيب كإدارى أنجح من اى حل”.

وواصل حديثه قائلاً :” اتكلمنا طبعا فى موضوع الدراسات العليا و ان الدكتور هيساعدنا فى توسيع مجال ال Board المصرى بحيث نقدر ندخل اكبر عدد من المستشفيات و بناء على ذلك هنشكل لجنه بالتعاون مع دكتور حسام لحصر المستشفيات و ايه النواقص عشان نقدر نوفرها و عشان نقدر نوسع عدد المقبولين فى الدراسات العليا و مشكورا هيساعدنا جدام، وضوع الدراسات العليا فى الجامعات نفسها ، ديه مش تحت سلطته ، بس احنا ان شاء الله هنتواصل مع الجامعات للتسهيل طبعا الناس ممكن تكون محبطه شويه بس حابب أقول فى الآخر ان و الله احنا معاكوا و فى ظهركوا و ان شاء الله هنبدأ نسعى من بكره علطول بحيث نكلف اكبر عدد من الدفعه و نبقى معاكوا فى كل حاجه و يارب نقدر حتى نكلف الدفعه كلها تحت أى مسمى و الدكتور حسام عبدالغفار متعاون جدا و معانا خطوه بخطوه و الصراحه حابب اشكر ممثلين الدفعات و الأفراد من الدفعه المهتمين بالقضيه لكل المجهود اللى عملوه ❤️”.

واختتم قائلا:” آسف للأخبار اللى مش كويسه بس و الله موضوع التكليف ده الأولويه و الموضوع الوحيد المهم لينا و شكرا 🤚🏻”.