غضب بين الأطباء من «جعفر العمدة».. يرسخ للبلطجة ضد الأطباء

أثار أحد مشاهد مسلسل “جعفر العمدة” استياء واسع بين الأطباء، واعتبروا أن المشهد يرسخ للبلطجة ضد الأطباء، واعتبارها أمر اعتيادى وطبيعى، وغير مستهجن.

وظهر بطل المسلسل محمد رمضان، وهو يتحدث إلى أحد الأطباء بلهجة حادة ويقول له: “تقعد جنب المريض ده..ولو مات هاخلليك تحصله.. خد من عمرك واديله”.

المشهد يرسخ للبلطجة والعنف ضد الفريق الطبي

وقال د. أحمد حسين منسق حملة “مصيرنا واحد”، إن هذا المشهد إضافة إلى أنه يرسخ للبلطجة والعنف ضد الفريق الطبي فإنه تظهر جهلاً بالثوابت الدينية، وهي ما تظهر المجتمع المصري بصورة سيئة غير حقيقية.

وطالب نقابة المهن التمثيلية، وجهاز الرقابة على المصنفات الفنية، بالتحقيق في هذه الواقعة، وإعلان موقفهما بالاعتذار وحذف هذا المشهد أو قبولهما لهذا المنحدر.

تقنين للبلطجة وتحقير للنماذج الطيبة وفوضى مجتمعية

وانتقد عضو مجلس نقابة الأطباء د. خالد أمين المشهد، مؤكدًا أن المشهد يقارن بين البلطجى والطبيب ويتعمد أن تكون المقارنة لصالح البلطجى، كما أن المشهد لم يأتى من شخص يصفه المسلسل بالبلطجى، ولكن بأنه رجل جدع وصاحب مبادىء، ما يعنى أن المشهد يرسخ لفكرة للبلطجة.

وقال عبر حسابه على موقع فيس بوك” واصفًا الممثل محمد رمضان: بيزرع لكل شيء فاسد وبيروج لكل شيء منحل.
وأضاف: “في المشهد ده جايبين طبيب بشكله الكلاسيكي لشخص اقل وسامة ولابس نضارة وشكله ساذج جدا، وقصاده بلطجي بيشتغل بالربا وقوي وغني جدا وشكله ذكي، في مقارنة بصرية ساذجة جداً وغالبا مقصودة.
مفيش طفل او مرهق ممكن يشوف المقارنة دي ويتمنى انه يبقى دكتور والphotomemory هتفضل عنده ثابتةً على السجل والمشهد ده.
دكتور متبهدل وتعبان وبلطجي قوي وشيك، وفوق كل ده علشان يوصل لمرحلة الدكتور دي لازم يتعب ويسهر ويذاكر وعلشان يوصل لمرحلة البلطجي الشيك ده مش محتاج اكتر من انه يلبس كويس ويقول كلام معظمه تهديد.
تأكيدا للصورة دي وامعانا في تحقير اي نموذج لقدوة محترمة، في المشهد ده البلطجي بيقول للدكتور (اقعد جنب العيان ده ولو مات مش هيحصلك كويس) وكأن البلطجي ده اكثر حرصا من الدكتور علي حياة المريض وده فعلا اللي هيوصل للناس.
لو المشهد كان في سياق انه بيظهر البلطجي ده انه بلطجي فعلا او انه بيلعب دور شخص شرير كان ممكن يبقى الموضوع مفهوم ، لكنه فعلا بيظهر بشخصية الجدع صاحب المبادئ والاخلاق.
تقنين للبلطجة وتحقير للنماذج الطيبة وفوضى مجتمعية بيقدمها ناس كل اللي بيملكوه كاميرا.

كل بلطجي داخل على مستشفى في مصر.. عامل فيها جعفر العمده

وقال د. حسام السكري استشارى الروماتيزم: “الدكتور الغلبان ده.. جعفر العمده جابه..و قالله تقعد جنب المريض ده..ولو مات هاخلليك تحصله..
اهو كل بلطجي داخل على مستشفى في مصر.. عامل فيها جعفر العمده و بيعمل كده.. والبلطجيه دول كتير.”