د. ماجد فياض يكتب: تخصص مسالك شُعبية وعصبية ولحمية
أنا عندي مشكلة كبيرة بسبب تشابه نطق تخصص طب الأعصاب neurology وتخصصي جراحة المسالك البولية و urology في المستشفي
تلاقيك كل شوية تتظرف حتة دين تليفون يصحيك من أحلي نومه علشان فاكرين إني دكتور الأعصاب اللي تحت الاستدعاء(on call )
فأنا اسهر منامشي وهو عيونه تشبع نوم !
في مرة جالي اتصال في تمام السادسة صباحا بعد لستة عمليات شاقة وفيها حالات حرجة
الحق عيانك نقلناه الرعاية المركزة!!
في اليوم ده نزلت جري لابس جزمة فردة سودا وفردة بني وحاسس إن دماغي بتاكلني وفي الآخر لاقيته عيان بتاع أعصاب !!
عديت بنفسي ساعتها علي بتوع الكول سنتر وقلت لهم لو سمعت رنة تليفون واحدة بس بالغلط علي إني بتاع أعصاب عارفين ها أعمل فيكم إية ؟
أنا ها أعمل تحويل مسار للضفيرة العصبية بتاعتكم لمثانة بولية في مرحاض عام وكل واحد معدي مزنوق ومخنوق يدخل يفضفض لكم فيها !
يا جدعان الموضوع ده بيوتر أعصابي وبيفكرني بذكريات موجعة
أصل في تاني مرة دخلت فيها إمتحان الدكتوراة في ورقة ال long بتاع أول يوم
الست الطيبة اديتني ورقة إمتحان neurology بدل urology أه والله !
ولاقتيني مش عارف غير إجابة سؤال واحد بس يا مؤمن
أنا اقعدت اشتم في نفسي وأقولها حاجات عيب
وإزاي مش عارف غير سؤال واحد وجاي تاخد دكتوراه يا كلب السكك ؟
ده أنت أخرك تشم كولة تحت كوبري في عابدين لحد ما اكتشفت المصيبة واعتذرت لنفسي وصالحتها واديتها بوسة وقلت لها يا أختي جميلة والله وعرفتي سؤال في الأعصاب إزاي يا كلبوبة انتى؟
المشكلة بقي إن رغم تهديدي لموظفي الكول سنتر الموضوع كبر أكتر لأن جابوا دكتور أعصاب سعودي إسمه ماجد
فبقي ماجد neurology وماجد urology
ولأن المؤمن لا يلدغ من جحر عشروميت مرة
فبقيت لما يبلغوني علي عيان حصل فيه مشكلة
أقولهم أمين ولد أبو جليل ؟
ولا أمين ولد الطحاوي ؟
وتأقملت مع المشكلة تأقلم الضفدع اللي حطوه في تجربة الميه السخنة
بس مش لدرجة أن جالي عيان باكستاني إمبارح بيشتكي من رشح في مناخيره وحاجات عجيبة كده
قلت له يا عم أنا نفر معلوم مسالك بولية
تحت هنا وشاورت له علي منطقة الحوض والخانكة والقلج !
بس ما في معلوم فوق هنا وشاورت علي الأنف والأذن ومكرم عبيد والعاشر !
قاللي صبر شوية …صبر شوية يا دكتور
طيب يا عم متزقش نصبر حاضر
وقلت يمكن بياخد دوا للبروستاتا عندنا من مجموعة alpha blockers بيعمل احتقان في الأنف nasal congestion
وبعدين عمال يحكي ويبربر ويتف وينف
قلت له لا بقي كفاية كده
وربنا ما أنت قايل شوية صبر تاني !!
معليش يعني أنا مال اللي خلفوني بمشاكلك دي؟
المهم لاقيت العيان فاكر إني أنا الدكتور أمجد بتاع الأنف والأذن
من موقعي هذا أنا بناشد منظفة حموم الإنسان وبقولهم كده كتييير .
#ماجد_فياض.
عيادة المسالك البولية
الدور الخامس البرج الطبي بوابة رقم ٦.
د. ماجد فياض
استشارى جراحات المسالك البولية بالمستشفى السعودى الألمانى بجدة
