في وقفة احتجاجية.. طلاب علوم طبية يستغيثون بالرئيس ويطالبون بالتكليف

نظم طلاب كليات العلوم الطبية، اليوم الثلاثاء، وقفة احتجاجية امام وزارة الصحة والسكان، للمطالبة بالتكليف كما وعدت وزيرة الصحة، ورؤساء الجامعات.

وقال طلاب كليات العلوم الطبية، أن تكليف العلوم الطبية كان في اللائحة الخاصة بالكلية منذ أن انشئت والى الان لم يكلف أحد من خريجيها.

وقال الطلاب في بيان لهم تحت عنوان “حقنا فين؟!”:بدأت حكايتنا من 2015 …طالب ثانوي عام اتخرج ب ٩٦.٨.. طب ها هندخل كليه اي طب بيطري ولا علوم ولا ندخل اي.. بعد شوية بنسمع عن افتتاح كليه جديدة تابعة للقطاع الطبي (كليه العلوم الصحية التطبيقية بالمنوفية) اي دي وبتعمل اي …نتواصل مع القائمين علي أنشائها وعلي رأسهم دكتور معوض الخولي ودكتورة مشيرة ودكتوره رنا …انا كطالب ١٧ سنه ..مصدري اي واسمع لمين غير رئيس جامعتي وعميدة الكليه والوكيله …المفروض مني اني كنت أسأل واسمع لمين ….اتقال لينا نصا كده الكليه 5سنوات ..(4سنوات دراسه وسنه امتياز ويليهم التكليف لجميع الخريجين ) طب احنا خريجين داخلين علي سنتين دلوقتي ومفيش تكليف ! البروشور اللي بيتوزع علي الطلاب الجدد الملتحقين بالكليه مكتوب فيه نصا كده.

واضافوا:”دكتور معوض الخولي مع كامل احترامنا له كتب بوست علي صفحته الشخصيه بيأكد تكليف الخريجين بعد التخرج.. احنا بقي كطلبه مفروض يبقي مصدرنا اي ومين نرجعله.. حاليا كله بيقول ملناش دعوة”.

وتابع البيان:”وزيرة الصحه في فيديو ليها قالت انها هتكلفنا ودلوقتي هي مش فمنصبها ! كل ما مسئول بيتغير بيتقالنا من الجديد نصا مليش دعوه اللب قبلي قالكم ايه..الكلية حاليا قالت احنا مسئول نخرجكم ملناش دعوه بأي حاجه ليكم بعد كده.. امال مين المسئول ! مين المسئول عن مرمطة الطلبه دي !مين المسئول عن ان شاب يتخرج من كليه طبيه ودراسة وتعب قلب وفالاخر يتذل عشان يلاقي شغل ..ازاي كليه تتفتح ويتغير اسمها بعد سنه وترجع تتقفل وترجع تتفتح تاني بمسمي جديد …فين البلد اللي بيحصل فيها كده.. طب احنا فين دلوقتي وحقنا فين وندور عليه فين ؟!