منها الغرويات.. ما أهم الأشكال الصيدلية السائلة؟
في إطار استكمال سلسلة شكل ومضمون، نشرت هيئة الدواء المصرية منشورا حول أهم الأشكال الصيدلية السائلة وأمثلة عليها.
وجاءت أبرز الأشكال:
المحاليل: سهولة وفعالية! أدوية شفافة وممتزجة تمامًا، زي قطرة العين أو المحاليل الوريدية، وهي سريعة المفعول وسهلة الاستخدام!
المعلقات: أدوية تحتاج رجّة! هي أدوية فيها جزيئات صلبة “عائمة” في السائل، عشان كده لازم ترجها كويس قبل ما تستخدمها، زي بعض أدوية المضاد الحيوي ومضادات الحموضة!
المستحلبات: لما دواك يكون فيه زيت ومابيدوبش في المايه، بيتم خلطهم مع بعض بمساعدة حاجة تالتة (مواد مستحلبة)، بتظهر زي الحليب أو الكريم، زي بعض المكملات الغذائية والكريمات اللي على الجلد.
الشراب: السر في المذاق الحلو للدوا! الدوا بيكون مدوّب في سائل سكري مركز، والهدف من ده أنه يغطي على أي طعم مش مستحب للدوا الأصلي، ويستخدم في أدوية الكحة والمضادات الحيوية.
الإكسير: سائل شفاف، فيه كحول لتعزيز ذوبان الأدوية و بيكون أخف من الشراب العادي زي بعض أدوية الكحة.
الصبغات: عبارة عن دواء دايب في كحول أو كحول ومياه، الكحول هنا مش بس بيدوب الدوا، ده كمان بيحافظ عليه لفترة طويلة، وبتستخدم في الأدوية اللي جاية من أصول نباتية (أعشاب).
الغرويات: سائل بجسيمات ذكية! فيها جسيمات أكبر من الجزيئات، بس ما بتترسبش، وبتفضل منتشرة وممتزجة في كل السائل، زي بعض أنواع المغذيات اللي بناخدها في الوريد مثل الألبيومين.
