«أنا بخير ماتبلغوش البوليس وادفعوا الفلوس».. تسجيل صوتى لممرض المنيا قبل مقتله (فيديو)

خصصت الإعلامية نهال طايل، فقرة من حلقة برنامج «تفاصيل»، على قناة «صدى البلد 2»، عن ممرض المنيا مينا موسى، الذي تم إنهاء حياته ورميه في الترعة من أجل 120 ألف جنيه.

ونشرت طايل، التسجيل الصوتي الأخير لمينا ممرض المنيا، والذي قال فيه: «أنا بخير متبلغوش البوليس وادفعوا الفلوس عشان اروح، هي دي تعليماتهم هما».

وقال ابن خال مينا: «فضلنا يومين بندور على مينا على أمل أننا نعثر عليه يكون مفقود أو مخطوف»، متابعا: «إحنا عايشين في بيت واحد وعرفت أنه جه البيت الساعة 5 ونص الصبح، والساعة 9 الصبح بتفريغ كاميرات، عرفنا أنه اتحرك مع أخويا على المكان الجديد اللي رايح يشتغل فيه».

وأضاف: «تليفون مينا اتقفل وجالنا شكوك أنه في شغل جديد ومش عارف يمسك التليفون، وتاني يوم بدأنا نكلم صاحبه اللي كان معاه، وبعدين تليفون مينا اتفتح برسالة أن مينا بخير، وساعة وهكلمك لأن في إيدي شغل».

واسترسل: «لما تواصلت معاه صوته كان باين عليه أنه مخنوق وتحت ضغط، وقال لي أنا بخير ماتبلغوش البوليس، اطمنوا دي تعليماتهم وادفعوا الفلوس».