«ميدو» يهاجم الأطباء والقطاع الطبى: معظمهم معندهمش ضمير (فيديو)
هاجم لاعب الكرة السابق أحمد حسام ميدو، هاجم الأطباء والقطاع الطبى فى مصر، بسبب رفض عدد من المستشفيات الكبرى، استقبال حماه المريض بالكانسر والقلب، خلال اجازة العيد، نتيجة لاجازات الكثير من الأطباء.
ميدو يهاجم الأطباء ويتهمهم بانعدام الضمير
وقال ميدو في فيديو عبر حسابه الشخصي علي موقع التواصل الاجتماعي للصور والفيديوهات انستجرام :” أول امبارح انا كنت في الساحل ، وجالي تليفون ان حمايا المصاب بالسرطان تعبان جدا ، وعانى مشاكل في القلب كما اصيب بجلطة في الرئة.
وأضاف:” حالته مش سهلة يعني، نزلنا مصر خدناه على مستشفيات، وتخيلوا مفيش مستشفى قبل يستقبل الحالة عشان الدكاترة في اجازة . وابدى اندهاشة قائلا :” تخيلوا ان الناس ممكن تموت عشان الاطباء في اجازة العيد، طب احنا وضعنا المادي كويس نقدر ندخله مستشفى خاص، الفقير بقى هيعمل ايه ؟!.
وتابع :” من حق الاطباء الحصول على اجازة بس لازم يكون في اطباء في الطوارئ لاستقبال الحالات، هو مفيش حد بيتعب في فترة الاجازة !.
وهاجم القطاع الطبى والأطباء، قائلًا: القطاع الطبى فى مصر مهزلة وبتكلم على مستشفيات كبيرة ..القطاع فى مصر بايظ وفاشل .. والدكاترة معظمهم معندهمش ضمير لما الدكاترة الكبار يقولو للدكاترة الصغيرين متكلمنيش عشان انا فى اجازة يبقى مايستحقش يلبس البالطو.. الناس بتوع القطاع الطبى لازم يتحسبو لان معظمهم معندهمش ضمير”
وتابع: الدكاترة الكبار كلهم فى الساحل ومدين تعليمات للدكاترة الصغيرين محدش يكلمهم”
