ما مزايا وعيوب طريقة الإعطاء الفموية للدواء
نشرت هيئة الدواء منشورا للتوعية بمزايا وعيوب طريقة الإعطاء الفموية للدواء.
وقالت الهيئة في منشورها:”الابتلاع هو الأكثر شيوعًا وقبولًا للأدوية و اللي ممكن تكون في شكل أقراص، كبسولات أو شراب، لكن الطريقة دي ليها مميزات وعيوب”.
مميزاتها:
– سهلة، آمنة، غير مؤلمة، فتقدر تستخدمها بنفسك ومثالية للاستخدام المتكرر والطويل.
– سعرها مناسب ليك.
– متوفر منها أشكال جرعات مختلفة زي الأقراص سريعة المفعول، الكبسولات، الشراب، والأقراص اللي مفعولها بيمتد لوقت طويل.
عيوبها:
– مش مناسبة للطوارئ عشان تأثريها بطئ.
– مينفعش تستخدم للمرضى غير الواعين أو اللي عندهم صعوبة في البلع.
– بتحتاج التزام وتعاون منك.
– مش لكل الأدوية: زي الأدوية اللي طعمها وحش، أو اللي بتتدمر في المعدة (زي الأنسولين)، أو اللي جسمك بيتخلص منها بسرعة، أو لو عندك ترجيع/إسهال شديد.
– ممكن امتصاصها يكون غير كامل أو غير منتظم.
– ممكن تحصل تفاعلات مع الأكل (زي منتجات الألبان مع بعض المضادات الحيوية) فتأثر على امتصاص الدواء.
