fbpx
أهم الأخبارالعيادة

استشارى نساء وتوليد يجيب على 6 أسئلة حول أكل السمك لـ «الحامل»

 

أسئلة كثيرة السيدات الحوامل بتسألها عن أكل السمك خلال فترة الحمل !

 

هو أنا لازم أكل سمك فى الحمل؟

الإجابة الأكيدة “طبعاً أيوة، حتى لو مبتأكليهوش فى غير الحمل!”، لكن لازم تختارى نوع السمك اللى تأكليه بعناية.

الدراسات أثبتت أن السمك بيحتوى على عنصرين أساسيين ومهمين جداً لنموا الجهاز العصبى للجنين وللنموا العضلى والحركى للطفل.

العنصرين المهمين دول هما -Omega 3 fatty acids, DHA and EPA” ودوّل صعب تواجدهم فى أطعمة أخرى،  أيضا يحتوى على نسبة عالية من البروتينات، ڤيتامين د ، وأيضاً نسبة قليلة من الدهون المهدرجة.

السمك فيه مادة “زيبق”  ودا ليه أضرار على الحوامل ؟

مبدئياً لازم أشرح لحضراتك إن الزئبق موجود فى كل مكان حتى فى الهواء اللى بنستنشقه، لما الزئبق اللى موجود يستقر فى المياه، البكتيريا الموجودة بتحوله إلى Methyl Mercury,  ودى ماده بتلتصق للبروتين اللى فى عضلات السمك، وتظل حتى بعد الطهي.

حضرتك مع أكل السمك، جسدك بيمتص المادة دي، تمر خلال المشيمة والجنين يمتصها.. الMethyl Mercury  بيأثر على التركيز والذاكرة لدى الجنين، الضحك، المهارات الحركية وممكن النظر، بس حضرتك نسب الزئبق فى الأسماك متفاوتة، المطلوب نحدد أنواع السمك اللى ممنوع فى الحمل .

ليه استمر فى أكل السمك خلال فترة الحمل؟

أولاً لأن السمك يعتبر مصدر ممتاز للغذاء خاصة فى الحمل، وبعض الدراسات أظهرت إن الأطفال اللى أمهاتهم كانوا بيأكلوا كمية سمك كبيرة فى الحمل هم الأفضل من ناحية التركيز عند ٦ أشهر، ومن ناحية التوافق العصبى والعضلى عند ١٨ شهر، ثانياً تناول الأسماك أثناء الحمل بيقلب فرص الاجهاض والولادة المبكرة.

 إيه الاسماك الأمن أكلها فى الحمل؟

الأسماك مثل السلمون، والانشوجة، الرنجة، السردين، وسمك الشابل، سمك القد، الكابوريا، السالمون، الجمبري، البلطى والتاروت.

إيه الاسماك التى لا يسمح بأكلها؟

منظمة الصحة والغذاء محددة ٤ أنواع فيهم نسبة زئبق عالية ممنوعة فى الحمل، الأسماك دى : القرش، الماكريل الملكى، القرميدة، وسمك أبو سيف، لا تأكلى الأسماك الغير مطهية أوللقواقع الغير مطهية، لا تأكلى الاسماك المجمدة او المخللة (زى الرنجة والسردين) الا اذا تم تسخينها حتى ١٠٠ مؤية.

بالنسبة لأكل للتونه؟

التونة من الأسماك المسموحة فى الحمل ولكن تحتوى على نسبة زئبق عالية، ولذا مسموح بأكل ٦ أونصة فى الأسبوع (علبة) من التونة المعلبة.

الدكتور محمد الشريف
استشارى أمراض النساء والتوليد والعقم
وزميل الكلية الملكية لجراحة النساء والتوليد

 

اظهر المزيد
زر الذهاب إلى الأعلى