من طبيب لم يقف للوزير لأخر ارتدى «جينز».. نقل واستبعاد الأطباء بالهوى
فرمانات يصدرها المسئولين بوزارة الصحة، بالنقل والاستبعاد من هنا وهناك، لأسباب شخصية، وكأن الأمور تدار بقرارات شخصية لا بلوائح وقوانين، فتارة الوزير ينقل طبيب لم يقف له، وأخرى رئيس الهيئة يستبعد مدير مستشفي لم يعجبه ملابسه.
الوزير ينقل طبيب لم يقف له
فى شهر يوليو الماضى، قال الدكتور محمد بركات، طبيب العظام فى مستشفى العلمين، إن وزير الصحة قرر نقله لمستشفي رأس الحكمة، عقابا له لأنه لم يقف عند دخول الوزير العيادة عليه فى المستشفي.
وحكى الطبيب الواقعة عبر صفحته على موقع التواصل الاجتماعى قائلا: ”
“التلات اللي فات اخر يوم العيد وزير الصحة كان عندنا ف مستشفي العلمين بيطمن علي حالة معرفة ليه، أنا كنت قاعد ف عيادة العضم بكشف علي عيان وبكتبله الحاجات اللي يجيبها عشان اجبسه.. جا الوزير وقالي انت ايه ؟عضم؟
قلت له ايوا قالي انا احمد عماد وزير الصحة قلت له اتفضل دخل العيادة وانفعل لما لقاني لسه قاعد وقالي لما اكلمك قوم اقف فوقفت وبعدين دخل بعده ناس تانية واحد منهم شاور عليه وقالي بصوت واطي وزير الصحة قلت له ايوا عارف دخلت بعدهم وكيلة المستشفي قالت لي ايه يا بركات بس؟ قلت لها ايه اللي حصل يا دكتورة؟.
الوزير كان معاه أشعة بص عليها علي فانوس العيادة واتناقش فيها مع زميلي الاكبر مني وبعدين خرج، عرفت بعدها أنه طلع لوكيلة المستشفي وقالها (دا يمشي من المستشفي)
تاني يوم الاربع المديرية كلمت المستشفي ع التليفون واخدوا اسمي
النهاردة انا اتبلغت بقرار ندبي مستشفي راس الحكمة”.
رئيس الهيئة ينقل مدير مستشفي لمقابلته بـ «جينز»
وبالأمس أصدر رئيس هيئة التأمين الصحى الدكتور على حجازي، قرارًا شفويًا، باستبعاد الدكتور محمد يحيي إسماعيل، مدير مستشفى التأمين الصحي ببني سويف، من منصبه، عقابًا له على حضوره لاجتماع يحضره رئيس الهيئة، وهو مرتديًا ملابس كاجوال «بنطلون جينز وجاكت جبردين».
وكان رئيس هيئة التأمين الصحي، قد دعا مديري مستشفيات الهيئة بجميع محافظات الجمهورية، لاجتماع بقاعة مستشفي المقطم بالقاهرة، وتلبيةً لدعوة رئيس الهيئة توجه مدير مستشفي بني سويف للمقطم لحضور الاجتماع الأول له مع مساعد وزير الصحة.
ووصل مساعد وزير الصحة لقاعة مستشفى المقطم ودخل القاعة مصافحًا الحضور المتواجدين بالقاعة منذ الثامنة صباحًا قادمين من جميع المحافظات، وعندما جاء الدور على مدير مستشفي بني سويف ليصافح «حجازي» بادره الأخير مستفسرًا «أنت مين؟»، فرد عليه «أنا دكتور محمد يحيي يا فندم مدير مستشفى بني سويف»، فقابله رئيس الهيئة بقوله «أنت مش عارف جاي تقابل مين، أزاي جاي تقابلني كده؟!، أعتبر نفسك مستبعد من منصبك من الآن».
