أهم الأخبارالعيادة
40 نصيحة للأم للاطمئنان على مولودها
أي طفل حديث الولادة لازم نطمن على قلبه، لو فيه صوت مسموع أو شك بوجود صوت ضروري يتعمل أشعة ايكو على القلب، لا نطمئن بالسماعة فقط، فمعدل العيوب الخلقية ف القلب انتشرت جدا.
1.اعرفي وزن طفلك بعد الولادة، لأن هذا يساعدنا كثير في تقييم الرضاعة.
2.الرضاعة الصناعي ليست ذنب وانتي سبب فيه.
3.طفلك في أول 24 ساعة يأخذ حقنة تطعيم التهاب كبدي فيروسي ب، ممكن يأخذها كحد أقصى 3 أيام من يوم الولادة وإن كان يفضل في أول 24 ساعة.
- لا تعطى طفلك سوائل دافئة إلا نادرا واكتفي بصدرك طول الوقت، اللبن يأخذ وقت حتى ينزل.
- تناولى هيربانا قرصين 3 مرات يوميا مع دوا مون هرب لاكت بواكي 2باكو 3 مرات يوميا مع دوا بنتافيت بواكي باكو يوميا، استمري عليهم أول 14 يوم خصوصا لو والده قيصري ليساعدوا فى ادرار اللبن.
- الطفل لو محتاج حضانة لا تتأخرى واحجزيه، وقتها لا يكون اختيار لكنه ضرورة حتى ننقذه.
- لو طفلك ظهرت عليه الصفرا في أول 48 ساعة اكشفي عليه ف ساعتها لأنها تكون صفرا غير فسيولوجية في الأغلب.
- الصفرا لو أصابت طفلك من اليوم التالت غالبا فسيولوجية لا تزورى الدكتور إلا بعد قياس نسبتها.
- قياس ومتابعة نسبة الصفرا الفسيولوجية عامة يكون فى اليوم التالت أو الرابع و في اليوم السابع و في اليوم العاشر.
- طفلك لازم يعمل “حمام براز” اسود أول 3 ايام ، لو لم يحدث خلال 48 ساعة اكشفي عليه فورا.
- السرة ممكن تتأخر فى الوقوع فلا تقلقي خصوصا لو الطفل مصاب بالصفرا، لكن تابعي مع دكتورك.
- بعد الولادة تناولى فيتاميناتك الذي كنتِ تأخذيها أيام الحمل، انصح بمامي فيتال باكو يوميا أو فيريترون قرص يوميا أو كالسيترون قرص يوميا.
- متابعة وزن الطفل ونموه وصحته تكون مرتين أسبوعيا أول شهرين، لا تتكاسلي.
- تطعيم الدرن و عينة الكعب لو نزفوا بشكل ملحوظ وغريب اكشفي ع طفلك فورا.
- تطعيم الدرن ممكن يؤخذ في أول شهر من العمر و ممكن يتأجل للأربعين، لا أنصح أنه يؤخذ ونسبة الصفرا عالية شوية فحاولي تعطيه ونسبة الصفرا أقل.
- حقنة الدرن تصيبك بنفس الأعراض كالتهاب مكانها بعدها بشهرين تقريبا.
17.حقنة الدرن تترك علامة لو عدا 6 شهور ولو لم تترك علامة اكشفي واعملي اختبار الدرن فممكن يأخذ التطعيم تاني.
- لو الطفل وزنه لا يزيد بالرضاعة الطبيعي اجعلى الصناعي بتعليمات الطبيب.
- أي طفل مولود يقاس له محيط الرأس والطول في أول زيارة للطبيب، تابع القياسات مرة كل 3 ل 6 شهور.
- لا تعطى طفلك الماء والطعام إلا بعد 6 شهور.
- الكحل ليس دستور لا تفعلين هذه العادة السيئة.
- لو شكيتي في حول اكشفي رمد على طول لا تتأخرى.
- حساسية الألبان موجودة ومنتشرة لو شكيتي اكشفي بسرعة.
- اعطى طفلك في دروب 4 نقط مرة يوميا من أول يوم ولادة لحد سن سنة، اجليه لو ياخد فيتامينات حتى تختفى الصفراء.
- لو الطفل ولابد تطمئني على نزول الخصيتين فى مكانهم فى أول كشف على الطبيب، ولو غير ظاهرين فى مكانهم اعملي سونار اطمئني عليهم.
- لو الطفل ولد لازم تستبعدي وجود الفتق الاربي، لو شكيتي في أى وقت بوجوده انتفاخ الخصية أو الاتنين خصوصا مع البكاء أو ظهور لون أزرق غريب فيها اكشفي برضو واعملي سونار.
- الطهارة لأطفالنا الذكور تتعمل من أول لحظة ولادة لحد السبوع بتاعه، لو عنده صفرا اجليها لحد عمر 40 يوم.
- القشرة اللي ف راس ابنك وبنتك، لا تكحتيها بأي وسيلة ستختفى وحدها، لأنها تخرج بخصل من شعره وممكن تصيبه التهابات مكانها ده غير أنها تعود أشد من الأول.
- من سن شهرين تابعي مرة شهريا مع دكتورك حتى سن 6 شهور.
- الطفل يبدأ يصلب راسه من سن 4 شهور، لو لم يحدث اكشفي عليه.
- من سن 3 شهور لثة طفلك تبدأ في مرحلة تكوين الأسنان، لا تقلقي لو عض كتير ده طبيعي.
- الكافيين ممنوع أول 6 شهور لو بترضعي طبيعي.
- الدايت مينفعش قبل عمر 3 شهور، ولا أنصح به ف أول 6 شهور بصراحة.
- لو عندك بوادر اكتئاب ما بعد الحمل متخديش موانع حمل هرمونية خالص لأنها تزيد الاكتئاب جدا، استخدمي اللولب أفضل بعد استشارة طبيب النسا.
35.لبوس الجلسرين طفلك لا يعتاد عليه، فهو ليس ادمان.
- طفلك مناعته ضعيفة، احميه من العدوى وابعديه عن أي حد تعبان و لا تخجلى.
- الانتفاخ الشديد ممكن يستمر 40 يوم شهر و نصف لكن شهرين متواصل فنشك بذلك في حساسية الألبان وقتها.
38.راجعي ألبوم أدوية الصيدلية عشان هتنفعك كتير.
- فتحة راس طفلك متقفلش قبل عمر 6 شهور، لو حسيتيها مش طبيعية أو بتقفل بدري اكشفي عليه بسرعة.
- طعمي طفلك التطعيمات الاضافية وهي الروتا حتى لا يصاب بنزلة معوية ومكورات رئوية عشان ميجلوش التهاب ف المخ أو التهاب شعبي أو رئوي، أسعارها غالية لكنها شيء ضروري.
بقلم د. أحمد خشبه
أخصائي الأطفال وحديثي الولادة
