عضو مجلس «صيادلة البحيرة»: «لو مجبناش حقنا نقفلها ونقعد فى بيوتنا» (فيديو)

قدم عضو مجلس نقابة صيادلة البحيرة الدكتور محمود عبد الواحد، اعتذار لكل صيادلة مصر، عن واقعة اقتحام الشرطة لصيدلية «هيثم ومحمد»، مطالبًا بضرورة اتخاذ موقف قوى تجاه الواقعة أو اغلاق الصيدليات.

وقال «عبد الواحد»، خلال مداخلة هاتفية مع برنامج «انفراد» المذاع على قناة «العاصمة»: «لو احنا كأعضاء مجالس نقابات مقدرناش نجيب حق الصيادلة يبقى نقدم استقالتنا»، وتابع: «لومقدرناش كصيادلة ناخد حقنا يبقى نقفلها ونقعد فى بيوتنا لحد مالدولة تحترم مهنة الصيدلة».

وانتقد ما اعتبره مجاملة الشرطة للمستشار ومخالفتهم للقانون، قائلًا: « المستشار يرفع سماعة التليفون ويجيب قسم كامل رغم ان القانون واضح ان مفيش ضابط يدخل الصيدلية الا بمفتش»

واتهم عضو مجلس نقابة البحيرة وزير الصحة بأنه المتسبب فى تلك الأزمات، قائلًا: « الله لا يسامحه اللى وصلنا لهذه النقطة اللى هو وزير الصحة، لكن انا مش بعيب عليه، اعيب على اللى ساب الوزير بعد كل الكوارث اللى عملها من أول رئيس الجمهورية ورئيس الوزراء».

https://www.youtube.com/watch?v=DNAlzfaX2Ng